விஜய் நடித்துள்ள 59-வது படம் தெறி. இந்த படத்தை அட்லி இயக்கியிருக்கிறார். மூன்று கெட்டப்புகளில் நடித்துள்ள இந்த படத்தில் அதிரடி போலீஸ் ரோலில்...
விஜய் நடித்துள்ள 59-வது படம் தெறி. இந்த படத்தை அட்லி இயக்கியிருக்கிறார். மூன்று கெட்டப்புகளில் நடித்துள்ள இந்த படத்தில் அதிரடி போலீஸ் ரோலில் நடித்துள்ளார் விஜய். குறிப்பாக, இதுவரையில்லாத அளவுக்கு சண்டை காட்சிகளில் ரிஸ்க் எடுத்து நடித்துள்ள விஜய், மூன்று கெட்டப்புகளிலும் நிறைய வித்தியாசம் காட்டி பர்பாமென்ஸ் கொடுத்துள்ளாராம். அதனால் தெறி விஜய் ரசிகர் களுக்கு பெரிய தீனியாக இருக்கும் என்று கூறி வருகிறார் டைரக்டர் அட்லி.
மேலும், இந்த படத்தின் அனைத்துகட்ட படப்பிடிப்புகளும் முடிந்து விட்ட நிலையில், தற்போது சென்னையிலுள்ள ஏவிஎம் கார்டன் தியேட்டரில் தெறி படத்தின் டப்பிங் வேலைகள் கடந்த 2 வாரங்களாக நடந்து கொண்டிருக்கிறது.
இரண்டாவது வாரத்தில் தனக்கான டப்பிங்கை விஜய் பேசி விட்ட நிலையில், தற்போது மற்ற நடிகர் நடிகைகள் பேசிக்கொண்டிருக்கிறார்கள் இதற்கிடையே தெறி படத்தின் டீசரை வருகிற 5-ந்தேதி வெளியிட முடிவு செய்துள்ள அட்லி அந்த வேலைகளையும் முடுக்கி விட்டிருக்கிறார். ஆக, திட்டமிட்டபடி தமிழ் புத்தாண்டு தினத்தில் தெறி திரைக்கு வந்து விடும் என்கிறார்கள்.
