கதிர் நாயகனாக நடித்துள்ள படம் ‘ஒன்பதிலிருந்து பத்து வரை’. இதில் இவருக்கு ஜோடியாக சொப்னா மேனன் நடித்திருக்கிறார். மலையாள நடிகையான இவர் இப்படம...
கதிர் நாயகனாக நடித்துள்ள படம் ‘ஒன்பதிலிருந்து பத்து வரை’. இதில் இவருக்கு ஜோடியாக சொப்னா மேனன் நடித்திருக்கிறார். மலையாள நடிகையான இவர் இப்படம் மூலம் தமிழில் அறிமுகமாகிறார். இவர்களுடன் மேலும் இப்படத்தில் லிவிங்ஸ்டன், சரவண சுபாஷ், அவன் இவன் ராமராஜன், இயக்குனர் ஜெகன் உள்ளிட்ட பலர் நடித்திருக்கிறார்கள். இப்படத்தை விஜயசண்முகவேல் அய்யனார் இயக்கியிருக்கிறார்.
இப்படத்தில் நாயகன் கதிர் கால்டாக்சி டிரைவராக நடித்துள்ளார். நாயகி சொப்னா ரேடியோ ஜாக்கியாக நடித்திருக்கிறார். இவர்கள் இருவரும் வெவ்வேறு கருத்துக்களை உடையவர்கள். ஒருநாள் சொப்னா, கதிர் காரில் பயணம் செய்ய வேண்டிய சூழ்நிலை ஏற்படுகிறது. சென்னையில் இருந்து காஞ்சிபுரம் பயணிக்கிறார்கள். இந்த பயணத்தின் வழியில் என்ன நடக்கிறது என்பதை கதையாக உருவாக்கியிருக்கிறார்கள்.
முதல் பாதி கவிதைத்துவமாகவும், இரண்டாம் பாதி கிரைம் திரில்லராகவும் திரைக்கதை அமைத்திருக்கிறார்கள். இப்படத்திற்கு யு சான்றிதழ் கிடைத்துள்ளது. பிப்ரவரி 19ம் தேதி படத்தை வெளியிட படக்குழுவினர் முடிவு செய்துள்ளனர்.
இப்படத்தை ஹீரோ சினிமாஸ் நிறுவனம் தயாரித்துள்ளது. கார்த்திக் இசையமைத்துள்ள இப்படத்திற்கு ராஜரத்தினம் ஒளிப்பதிவு செய்துள்ளார்.
